విశాఖలో పోలీసులపైకి దూసుకెళ్లిన లారీ

ఐదుగురి పరిస్థితి విషమం
విశాఖ : ఎలమంచిలి సమీపంలోని పెద్దపల్లి జాతీయరహదారిపై మంగళవారం తెల్లవారుజామున రోడ్డు ప్రమాదం చోటుచేసుకుంది. ఇసుక లారీని ఢీకొని గ్యాస్‌ సిలిండర్‌ లోడ్‌తో వెళ్తున్న లారీ బోల్తా పడింది. ఈ ప్రమాదంలో డ్రైవర్‌ అక్కడికక్కడే మృతి చెందాడు. అయితే ఘటన అనంతరం ట్రాఫిక్‌ను క్రమబద్ధీకరిస్తున్న పోలీసులపైకి వేగంగా వస్తున్న మరో లారీ దూసుకెళ్లింది. ఈ ఘటనలో ఏఎస్సై డి.సూర్యనారాయణ, కానిస్టేబుల్‌ బోడయ్య, హోంగార్డులు ప్రసాద్‌, అప్పారావు, రామారావు తీవ్రంగా గాయపడ్డారు. వీరిని స్థానిక కేజీహెచ్‌ ఆసుపత్రికి తరలించారు. వీరి పరిస్థితి విషమంగా ఉన్నట్లు సమాచారం.