భార్యను గొంతుకోసి చంపిన భర్త

నెల్లూరు: పెళ్లి సమయంలో ఇస్తానని ఒప్పుకున్న కట్నం సొమ్ము పూర్తిగా ఇవ్వనందుకుగాను భార్యను ఓ భర్త హత్య చేసిన ఉదంతం నెల్లూరు జిల్లాలో చోటుచేసుకుంది. నాయుడుపేట మండలం జిగురుపాడు అగ్రహారంలో స్వాతి అనే యువతి హత్యకు గురైంది. పెళ్లి సమయంలో ఇస్తానని చెప్పిన కట్నం విషయంలో ఇద్దరిమధ్య ఈరోజు గొడవ జరిగింది. మాటామాటా పెరిగి భర్త వెంకట్రమణ తీవ్ర ఆగ్రహంతో భార్యను కత్తితో గొంతుకోసి చంపాడు. ఆ వెంటనే అక్కడినుంచి పారిపోయాడు. పోలీసులు కేసు నమోదుచేసి అతని తల్లి వెంకటమ్మను అదుపులోకి తీసుకున్నారు.