విద్యార్థినిపై కిరోసిన్‌పోసి నిప్పంటించిన ఉన్మాది

రాజమండ్రి: ప్రేమించలేదని ఓ ఉన్మాది విద్యార్థినిపై కిరోసిన్‌పోసి నిప్పంటించిన ఘటన తూర్పుగోదావరి జిల్లా కాట్రేనికోన మండలంలో జరిగింది. వేట్లపాలెం గ్రామంలో ఎనిమిదోతరగతి చదువుతున్న విద్యార్థినిని అదేగ్రామానికి చెందిన వ్యక్తి గత కొంతకాలంగా ప్రేమపేరుతో వేధిస్తున్నాడు. విద్యార్థిని పట్టించుకోకపోవడంతో ఆగ్రహించిన అతడు ఆదివారం సాయంత్రం ఇంట్లో ఉండగా విద్యార్థినిపై కిరోసిన్‌పోసి నిప్పంటించి పరారయ్యాడు. తీవ్రంగాగాయపడిన బాలికను అమాలాపురంలోని ఓ ప్రైవేటు ఆసుపత్రికి తరలించి చికిత్స చేస్తున్నారు.