సీఎం రచ్చబండపై రాళ్లదాడి, ఉద్రిక్తత

కొండమల్లేపల్లి: నల్గొండ జిల్లా కొండమల్లేపల్లిలో ముఖ్యమంత్రి కిరణ్‌కుమార్‌రెడ్డి నిర్వహిస్తున్న రచ్చబండ కార్యక్రమంలో ఉద్రిక్తత చోటుచేసుకుంది. సీఎం రచ్చబండ కార్యక్రమాన్ని అడ్డుకున్న తెలంగాణవాదుల్ని పోలీసులు ఆపడంతో సభలో తీవ్ర గందరగోళం చోటుచేసుకుంది. సభ వెలుపల నుంచి తెలంగాణవాదులు రాళ్లతో దాడి చేశారు. ఈదాడిలో దేవరకొండ డీఎస్పీ తీవ్రంగా గాయపడ్డారు. దాంతో పోలీసులు రంగంలోకి దిగి లాఠీచార్జీతోపాటు, భాష్పవాయువును ప్రయోగించారు. కొండమల్లేపల్లిలో పరిస్థితి ఉద్రిక్తంగా వున్నట్టు తెలుస్తోంది.