పొదుపు సంఘాలకు రుణాల పంపిణీలో రోశయ్య
విశాఖపట్నం: కాంగ్రెస్‌ పార్టీ హయాంలోనే మహిళల అభివృద్ధి జరిగిందని మాజీ ముఖ్యమంత్రి కొణిజేటి రోశయ్య పేర్కొన్నారు. మన రాష్ట్రంలో మహిళా సాధికారత ఉద్యమంలా సాగుతుందని, ప్రతీ ప్రభుత్వ సంక్షేమ కార్యక్రమంలోనూ వారికి ప్రాధాన్యం కల్పిస్తున్నామన్నారు. మంగళవారం వుడా బాలల థియేటర్‌లో జీవీఎంసీ ఆధ్వర్యంలో జరిగిన పొదుపు సంఘాల రుణపంపిణీ కార్యక్రమంలో ఆయన పాల్గొన్నారు. ఈ సందర్భంగా మాట్లాడుతూ మహిళలు విద్యలో వెనుకబడి ఉండడం బాధాకరమన్నారు. ఆత్మవిశ్వాసంతో ముందడుగేయాలని, తద్వారా రాష్ట్ర అభివృద్ధిలో భాగం కావాలన్నారు. మన రాష్ట్రంలో స్వయం సహాయక బృందాలు ఉద్యమంలా సాగుతున్నాయని, బ్యాంకులు కూడా మహిళలకు రుణాలు అందించే విషయంలో సానుకూలంగా ఉన్నాయన్నారు. దేశంలో వేగవంతంగా అభివృద్ధి చెందుతున్న నగరాల్లో విశాఖ ప్రథమ స్థానంలో ఉందన్నారు. అన్ని రకాల సౌకర్యాలు పుష్కలంగా ఉన్నందున ఇక్కడ పెట్టుబడులు పెట్టేందుకు పారిశ్రామికవేత్తలు ఆసక్తి చూపుతున్నారన్నారు. అనంతరం 855 స్వయం సహాయక బృంద మహిళలకు బ్యాంకర్లు సమకూర్చిన రూ.14.75 కోట్లను రోశయ్య అందించారు. పశ్చిమ ఎమ్మెల్యే మళ్ల విజయప్రసాద్‌ నిర్వహిస్తున్న శారీరక ధారుడ్య పోటీల కప్‌ను ఇదే వేదికపై ఆవిష్కరించారు. మేయర్‌ పులుసు జనార్ధనరావు, కలెక్టర్‌ జె.శ్యామలరావు, వుడా వీసీ బి.శ్రీధర్‌, జీవీఎంసీ కమిషనర్‌ వి.ఎన్‌.విష్ణు, శాసనసభ్యులు ద్రోణంరాజు శ్రీనివాస్‌, మళ్ల విజయప్రసాద్‌, తైనాల విజయకుమార్‌, ఎం.శ్రీనివాసరావు, కార్పొరేటర్లు పాల్గొన్నారు.
విశాఖపట్నం: కాంగ్రెస్‌ పార్టీ హయాంలోనే మహిళల అభివృద్ధి జరిగిందని మాజీ ముఖ్యమంత్రి కొణిజేటి రోశయ్య పేర్కొన్నారు. మన రాష్ట్రంలో మహిళా సాధికారత ఉద్యమంలా సాగుతుందని, ప్రతీ ప్రభుత్వ సంక్షేమ కార్యక్రమంలోనూ వారికి ప్రాధాన్యం కల్పిస్తున్నామన్నారు. మంగళవారం వుడా బాలల థియేటర్‌లో జీవీఎంసీ ఆధ్వర్యంలో జరిగిన పొదుపు సంఘాల రుణపంపిణీ కార్యక్రమంలో ఆయన పాల్గొన్నారు. ఈ సందర్భంగా మాట్లాడుతూ మహిళలు విద్యలో వెనుకబడి ఉండడం బాధాకరమన్నారు. ఆత్మవిశ్వాసంతో ముందడుగేయాలని, తద్వారా రాష్ట్ర అభివృద్ధిలో భాగం కావాలన్నారు. మన రాష్ట్రంలో స్వయం సహాయక బృందాలు ఉద్యమంలా సాగుతున్నాయని, బ్యాంకులు కూడా మహిళలకు రుణాలు అందించే విషయంలో సానుకూలంగా ఉన్నాయన్నారు. దేశంలో వేగవంతంగా అభివృద్ధి చెందుతున్న నగరాల్లో విశాఖ ప్రథమ స్థానంలో ఉందన్నారు. అన్ని రకాల సౌకర్యాలు పుష్కలంగా ఉన్నందున ఇక్కడ పెట్టుబడులు పెట్టేందుకు పారిశ్రామికవేత్తలు ఆసక్తి చూపుతున్నారన్నారు. అనంతరం 855 స్వయం సహాయక బృంద మహిళలకు బ్యాంకర్లు సమకూర్చిన రూ.14.75 కోట్లను రోశయ్య అందించారు. పశ్చిమ ఎమ్మెల్యే మళ్ల విజయప్రసాద్‌ నిర్వహిస్తున్న శారీరక ధారుడ్య పోటీల కప్‌ను ఇదే వేదికపై ఆవిష్కరించారు. మేయర్‌ పులుసు జనార్ధనరావు, కలెక్టర్‌ జె.శ్యామలరావు, వుడా వీసీ బి.శ్రీధర్‌, జీవీఎంసీ కమిషనర్‌ వి.ఎన్‌.విష్ణు, శాసనసభ్యులు ద్రోణంరాజు శ్రీనివాస్‌, మళ్ల విజయప్రసాద్‌, తైనాల విజయకుమార్‌, ఎం.శ్రీనివాసరావు, కార్పొరేటర్లు పాల్గొన్నారు.
కామెంట్‌లు లేవు:
కామెంట్‌ను పోస్ట్ చేయండి