మధ్యంతర ఎన్నికలు రాకుండా మద్దతిస్తాం: చిరంజీవి

అనంతపురం : పీఆర్పీ అధినేత చిరంజీవి మధ్యంతర ఎన్నికలు రాకుండా ప్రభుత్వానికి మద్దతిస్తామని అన్నారు. ప్రజలపై భారం పడకుండా ఉండేందుకే ఈ నిర్ణయం తీసుకున్నట్లు చిరంజీవి తెలిపారు. నన్ను రాజకీయాలనుంచి దూరం చేసేందుకు మీడియాలో కొంతమంది కుట్ర పన్నుతున్నారని ఆయన ఆగ్రహం వ్యక్తం చేశారు. పీఆర్పీలో నేతలకు, కార్యకర్తలకు మధ్య ఎలాంటి సమన్వయ లోపం లేదని చిరంజీవి అన్నారు.