శీవారి ప్రసాదాల ధరల పెంపు

తిరుపతి: తిరుమల శ్రీవారికి నైవేద్యంగా ఆర్జిత సేవల్లో పాల్గొనే భక్తులు సమర్పించే ప్రత్యేక ప్రసాదాల (లడ్డూ తప్ప) ధరలు పెరిగాయి. ఆర్జిత సేవల్లో పాల్గొనే వారికి వీటిని ఉచితంగానే ఇస్తారు. అవి కాకుండా అదనంగా ప్రముఖులు, ఇతరులకు విక్రయించే ప్రసాదాలకు మాత్రమే ఈ పెరిగిన ధరలు వర్తిస్తాయి. పెరిగిన నిత్యావసర సరుకుల ధరల వల్ల శ్రీవారి ప్రత్యేక ప్రసాదాల ధరలు పెంచుతూ ఇటీవల టీటీడీ స్పెసిఫైడ్ అథారిటీ నిర్ణయించింది. పెరిగిన ధరలను శుక్రవారం నుంచి అమల్లోకి తెచ్చినట్టు టీటీడీ జేఈవో కె.భాస్కర్ మీడియాకు వెల్లడించారు. సాధారణ భక్తుల ప్రాసాదాల ధరల్లో ఎటువంటి మార్పులేదు.