కర్నూలు జిల్లాలో చంద్రబాబు పర్యటన

కర్నూలు: హంద్రీనీవా ప్రాజెక్టు జాప్యం, రైతు సమస్యలపై నేడు కర్నూలు జిల్లాలో తెదేపా అధినేత చంద్రబాబు పర్యటించనున్నారు. హైదరాబాద్‌ నుంచి అనంతపురం జిల్లా గుంతకల్లు చేరుకొనే చంద్రబాబు కసాపురం మీదుగా కర్నూలు జిల్లాలోని మద్దికెరకు చేరుకొంటారు. అక్కడి నుంచి తుగ్గలి, పెరవలి, రాతన గ్రామాల్లో రోడ్డుషో నిర్వహిస్తారు. పత్తికొండలో పార్టీ కార్యాలయాన్ని ప్రారంభిస్తారు. అనంతరం హంద్రీనీవా ఎత్తిపోతల పథకంలో భాగంగా నిర్మిస్తున్న పందికోన జలాశయాన్ని పరిశీలిస్తారు. అడ్వాన్సులు ఇచ్చినా నిర్మాణాలు సాగని హంద్రీనీవా కాలువలను దేవనకొండ, కరివేముల ప్రాంతాల్లో పరిశీలిస్తారు. అనంతరం కోడుమూరు నియోజకవర్గ పరిధిలోని పలు ప్రాంతాల్లో పర్యటించి రాత్రికి కర్నూలు చేరుకొంటారు.