డిఎల్‌కు కడప ఎమ్మెల్యేల సవాల్

న్యూఢిల్లీ: దమ్ముంటే ఉన్నపళంగా రాజీనామా ఇచ్చి పోటీకి సిద్ధపడాలని మంత్రి డిఎల్ రవీంద్రారెడ్డికి కడప జిల్లాకు చెందిన అయిదుగురు ఎమ్మెల్యేలు సవాల్ విసిరారు. ఈరోజు ఇక్కడ జరిగిన జలదీక్షలో పాల్గొన్న ఎమ్మెల్యేలు గడికోట శ్రీకాంత్‌రెడ్డి, ఆకేపాటి అమర్‌నాథ్‌రెడ్డి, కె.శ్రీనివాసులు, ఆదినారాయణరెడ్డి, కమలమ్మలు వేదికపై నుంచే ఈ సవాల్ చేశారు. తాము కూడా వెంటనే రాజీనామాలు చేసి పోటీకి సిద్ధమవుతామన్నారు. డిఎల్ సోనియా బొమ్మతో పోటీ చేస్తే, తాము దివంగత మహా నేత వైఎస్ రాజశేఖరరెడ్డి చిత్రపటం పెట్టుకుని పోటీ చేస్తామన్నారు. ప్రజలు ఎవరి పక్షాన నిలబడతారో తేలిపోతుందని వారు సవాల్ చేశారు.