రోడ్డు ప్రమాదంలో దంపతుల మృతి

ఖమ్మం : అశ్వారావుపేట వద్ద గురువారం తెల్లవారుజామున రోడ్డు ప్రమాదం చోటుచేసుకుంది. వేగంగా వెళ్తున్న క్వాలీస్‌ వాహనం అదుపుతప్పి చెట్టును ఢీకొనడంతో వాహనంలోని దంపతులు అక్కడికక్కడే మృతి చెందారు. ఈ ఘటనలో మరో నలుగురు గాయపడ్డారు. క్షతగాత్రులను 108లో సమీప ఆసుపత్రికి తరలించారు. మృతులను హైదరాబాద్‌లోని మల్కాజ్‌గిరికి చెందినవారిగా గుర్తించారు. వీరు అన్నవరం వెళ్తుండగా ఈ ప్రమాదం చోటుచేసుకుంది.