విజయవాడ నగర పోలీస్‌ వెబ్‌సైట్‌ను ప్రారంభించిన సీఎం

విజయవాడ: విజయవాడ నగర పోలీస్‌ వెబ్‌సైట్‌ను ముఖ్యమంత్రి రోశయ్య ఈ ఉదయం ప్రారంభించారు. vijayawadapolice.org పేరిట ఈ వెబ్‌సైట్‌ను రూపొందించారు. కమిషనరేట్‌కు చెందిన 15 విభాగాలతో అన్ని వివరాలను ఈ సైట్‌లో పొందుపరిచారు. ఈ కార్యక్రమం అనంతరం ఎస్సై పరీక్ష నిర్వహించాలంటూ విద్యార్థి సంఘాల నాయకులు ముఖ్యమంత్రిని కలిసి విజ్ఞప్తి చేశారు. అలాగే వివిధ శాఖల్లో ఖాళీగా ఉన్న ఉద్యోగాల భర్తీ చేపట్టాలని ఏఐవైఎఫ్‌ నాయకులు ముఖ్యమంత్రికి వినతిపత్రం సమర్పించారు. అనంతరం ముఖ్యమంత్రి పుట్టపర్తికి వెళ్లేందుకు బయల్దేరారు.