ఆటోను ఢీకొట్టిన ప్రైవేట్‌ బస్సు...నలుగురి దుర్మరణం
ఉప్పల్‌: ఉప్పల్‌లో శనివారం రాత్రి రోడ్డు ప్రమాదంలో ముగ్గురు అక్కడికక్కడే మృతిచెందారు. చికిత్స పొందుతూ మరొకరు చనిపోగా... ముగ్గురు తీవ్ర గాయాలతో చికిత్స పొందుతున్నారు. పోలీసులు, ప్రత్యక్ష సాక్షుల కథనం ప్రకారం కర్మన్‌ఘాట్‌లోని ఆదర్శ్‌నగర్‌ కాలనీకి చెందిన మూడావత్‌శివ(33) టాటా ప్యాసింజర్‌ ఆటో యజమాని. నాచారం నుంచి సూర్యాపేటకు రోజూ ఓ దినపత్రిక ప్రతులను వాహనంలో తీసుకెళ్తుంటాడు. శనివారం రాత్రి తన సోదరుడి కుమారుడు వీపీ సింగ్‌(11)ను తీసుకుని ఆటోలో ఆదర్శనగర్‌నుంచి నాచారం వైపు వస్తున్నాడు. మార్గమధ్యలో కొందరు ప్రయాణికులను ఎక్కించుకున్నాడు. నాగోలు వంతెన దాటాడు. ఇంతలో ఓ ద్విచక్రవాహనదారుడు ఆటోకు ఎదురుగా రాంగ్‌రూట్‌లో రోడ్డు దాటుతున్నాడు. అతణ్ని తప్పించబోయాడు. దీంతో ఆటో అదుపుతప్పింది. పక్కనే ఉన్న డివైడర్‌ పైనుంచి పక్క మార్గంలోకి వచ్చింది. అదే సమయంలో ఉప్పల్‌ నుంచి ఎల్బీనగర్‌ వైపు వెళ్తున్న ప్రయివేటు బస్సు ఆటోను వేగంగా ఢీకొంది. దీంతో ఆటోడ్రైవర్‌ శివ, అతడి సోదరుడి కుమారుడు వీపీసింగ్‌, డీఎంఆర్‌పీ టెక్నికల్‌ఆఫీసర్‌ సుక్కల శ్రీనివాసరావు(40) అక్కడికక్కడే మృతి చెందారు. నలుగురు ప్రయాణికులకు తీవ్రంగా గాయాలయ్యాయి. ఉప్పల్‌ పోలీసులు మృతదేహాలను, క్షతగాత్రులను గాంధీ ఆసుపత్రికి తరలించారు. చికిత్స పొందుతూ సైనిక్‌పురికి చెందిన పోతన శాస్త్రీ (53) మృతిచెందాడు. మూడావత్‌ శివ స్వస్థలం మహబూబ్‌నగర్‌ జిల్లా అదేవదారుకుంట తండా. జీవనోపాధి నిమిత్తం నగరానికి వలస వచ్చాడు. భార్యా పిల్లలు, బంధుమిత్రులు రోదించిన తీరు చూపరులను కంటతడి పెట్టించింది.
ఉప్పల్‌: ఉప్పల్‌లో శనివారం రాత్రి రోడ్డు ప్రమాదంలో ముగ్గురు అక్కడికక్కడే మృతిచెందారు. చికిత్స పొందుతూ మరొకరు చనిపోగా... ముగ్గురు తీవ్ర గాయాలతో చికిత్స పొందుతున్నారు. పోలీసులు, ప్రత్యక్ష సాక్షుల కథనం ప్రకారం కర్మన్‌ఘాట్‌లోని ఆదర్శ్‌నగర్‌ కాలనీకి చెందిన మూడావత్‌శివ(33) టాటా ప్యాసింజర్‌ ఆటో యజమాని. నాచారం నుంచి సూర్యాపేటకు రోజూ ఓ దినపత్రిక ప్రతులను వాహనంలో తీసుకెళ్తుంటాడు. శనివారం రాత్రి తన సోదరుడి కుమారుడు వీపీ సింగ్‌(11)ను తీసుకుని ఆటోలో ఆదర్శనగర్‌నుంచి నాచారం వైపు వస్తున్నాడు. మార్గమధ్యలో కొందరు ప్రయాణికులను ఎక్కించుకున్నాడు. నాగోలు వంతెన దాటాడు. ఇంతలో ఓ ద్విచక్రవాహనదారుడు ఆటోకు ఎదురుగా రాంగ్‌రూట్‌లో రోడ్డు దాటుతున్నాడు. అతణ్ని తప్పించబోయాడు. దీంతో ఆటో అదుపుతప్పింది. పక్కనే ఉన్న డివైడర్‌ పైనుంచి పక్క మార్గంలోకి వచ్చింది. అదే సమయంలో ఉప్పల్‌ నుంచి ఎల్బీనగర్‌ వైపు వెళ్తున్న ప్రయివేటు బస్సు ఆటోను వేగంగా ఢీకొంది. దీంతో ఆటోడ్రైవర్‌ శివ, అతడి సోదరుడి కుమారుడు వీపీసింగ్‌, డీఎంఆర్‌పీ టెక్నికల్‌ఆఫీసర్‌ సుక్కల శ్రీనివాసరావు(40) అక్కడికక్కడే మృతి చెందారు. నలుగురు ప్రయాణికులకు తీవ్రంగా గాయాలయ్యాయి. ఉప్పల్‌ పోలీసులు మృతదేహాలను, క్షతగాత్రులను గాంధీ ఆసుపత్రికి తరలించారు. చికిత్స పొందుతూ సైనిక్‌పురికి చెందిన పోతన శాస్త్రీ (53) మృతిచెందాడు. మూడావత్‌ శివ స్వస్థలం మహబూబ్‌నగర్‌ జిల్లా అదేవదారుకుంట తండా. జీవనోపాధి నిమిత్తం నగరానికి వలస వచ్చాడు. భార్యా పిల్లలు, బంధుమిత్రులు రోదించిన తీరు చూపరులను కంటతడి పెట్టించింది.
కామెంట్‌లు లేవు:
కామెంట్‌ను పోస్ట్ చేయండి