నేడు కైశిక ద్వాదశి ఉత్సవం

తిరుమల: కార్తీకమాసం శుక్లద్వాదశి నేపథ్యంలో శ్రీవారి ఆలయంలో కైశికద్వాదశి ఉత్సవం గురువారం జరగనుంది. తెల్లవారు జామున శ్రీవారి ఆలయంలో శ్రీదేవి, భూదేవి సమేత ఉగ్ర శ్రీనివాసమూర్తికి అభిషేక అర్చనలు, అలంకారాలు సమర్పించిన అనంతరం తిరువీధుల్లో వూరేగింపు జరుగుతుంది. సూర్యోదయం ప్రారంభంకాక ముందే ఉగ్ర శ్రీనివాసమూర్తి ఆలయంలోకి ప్రవేశిస్తారు. కైశికద్వాదశికి మాత్రమే ఉగ్ర శ్రీనివాసమూర్తి ఆలయం వెలుపలికి వూరేగింపుగా వస్తారు. ఉత్సవం నేపథ్యంలో స్వామి వారికి తిరుప్పావడ సేవను తితిదే రద్దు చేసింది.