మల్లెడవాగులో గల్లంతైన 11మంది మృతదేహాలు లభ్యం

గుంటూరు: జిల్లాలోని వినుకొండ మండలం మల్లెడవాగులో మంగళవారం రాత్రి వాహనంలో గల్లంతైన 13మందిలో 11 మంది మృతదేహాలు ఈ ఉదయం లభ్యమయ్యాయి. మరో ఇద్దరి కోసం గాలిస్తున్నారు. ప్రకాశం జిల్లా అద్దంకి గ్రామానికి చెందిన 16 మంది పుట్టెంట్రుకలు తీయించేందుకు గుంటూరు జిల్లా కారంపూడికి మంగళవారం ఉదయం సుమోలో బయల్దేరి వెళ్లారు. కారంపూడిలో కార్యక్రమం అంతా పూర్తయ్యాక తిరిగి బయల్దేరారు. రాత్రి 7 గంటల సమయానికి పిట్టబండ గ్రామాన్ని దాటారు. ఉమ్మడివరం చేరేందుకు మధ్యలో ఉన్న మల్లెడవాగు ప్రవాహం తక్కువగా ఉంటుందనుకొని డ్రైవరు సుమోను నడిపినట్లు భావిస్తున్నారు. ప్రవాహ వేగం ఎక్కువవడంతో వాహనం కొట్టుకుపోయింది. సుమోలో 16 మంది ఉన్నారు. వారిలో ముగ్గురిని స్థానికులు రక్షించారు.