సీఎం సహాయనిధికి కేర్ రూ. 25లక్షల విరాళం

హైదరాబాద్(విశాల విశాఖ): ముఖ్యమంత్రి సహాయ నిధికి కేర్ ఆస్పత్రుల అధినేత డా.బి.సోమరాజు రూ. 25 లక్షల విరాళం ఇచ్చారు.  సచివాలయంలో ముఖ్యమంత్రి కిరణ్‌కుమార్‌రెడ్డిని కలిసి ఈ మేరకు చెక్కును అందజేశారు. ఇటీవల వరదలతో తీవ్రంగా నష్టపోయిన రైతులను ఆదుకోవడంలో భాగంగా ఈ విరాళమిచ్చినట్లు సోమరాజు తెలిపారు. సీఎంను కలిసినవారిలో కేర్ వైద్యులు డా.బి.ఎన్.ప్రసాద్, డా.రామ్ పాపారావు, డెరైక్టర్ కాశిరాజు తదితరులు ఉన్నారు.