రేపటి నుంచి 16 వరకు అసెంబ్లీ సమావేశాలు

• హైదరాబాద్‌ : రేపటి నుంచి ఈ నెల 16 వరకూ అసెంబ్లీ సమావేశాలు జరగనున్నాయి. డిప్యూటీ స్పీకర్‌ నాదేండ్ల మనోహర్‌ అధ్యక్షతన శాసనసభ వ్యవహారాల సలహా సంఘం ఈ ఉదయం భేటీ అయింది. శాసనసభ శీతకాల సమావేశాల పనిదినాలను ఖరారు చేసింది. శనివారంతో కలిపి మొత్తం 6 రోజులు సమావేశాలు జరపాలని ఈ భేటీలో నిర్ణయించారు. 14 వతేదీ సాయంత్రం కూడా సభను నిర్వహించనున్నారు. తొలిరోజు సభలో ప్రశ్నోత్తరాలు లేకుండా వరదలు, పంటనష్టంపై చర్చ జరగనుంది. విద్యార్థులపై కేసులు ఎత్తివేతకు సంబంధించి సభలో ప్రభుత్వం ప్రకటన చేయనుంది.