శిరోజాలకు టానిక్ ఉసిరికాయ

శిరోజాలు ఏపుగా పెరిగేందుకు, నిగనిగలాడేందుకు ఉసిరికాయ టానిక్‌లా పనిచేస్తుంది. ఉసిరికాయ ముక్కలను ఎండబెట్టండి. కొబ్బరి నూనెలో ఎండిన ఉసిరికాయ ముక్కలను వేసి మరిగించండి. ఈ మిశ్రమాన్ని ప్రతి రోజు శిరోజాలకు అంటిస్తుంటే వెంట్రుకలు ఏపుగా పెరగడమే కాకుండా నిగనిగలాడతుంటాయంటున్నారు ఆరోగ్య నిపుణులు.
* ప్రతి రోజు ఎనిమిది నుంచి పది గ్లాసుల నీటిని సేవించండి.
* వారానికి రెండుసార్లు మాత్రమే షాంపూను ఉపయోగించండి.
* వెంట్రుకల కుదుళ్ళకు కొబ్బరినూనె దట్టించి మసాజ్ చేయండి.
* వీలైతే బాదం నూనెతో తలను మర్దన చేయండి.
* మెంతులను కాసిన్ని నీళ్ళల్లో రుబ్బుకుని తలకు దట్టించండి. అరగంట తర్వాత చల్లటి నీటితో కడిగేయండి. దీంతో మీ శిరోజాలు ఏపుగా పెరుగుతాయి.